Streektaolstried Aa en Hunze 2026 in Gasselt
AlgemeenGASSELT - De Streektaolvrijwilligers van het Huus van de Taol organiseert veur de zesde maol de, inmiddels populaire, Drèentse pubquiz oftewel de Streektaolstried van en in Aa en Hunze.
In dörpshoes De Trefkoel in Gasselt kan in dit neie jaor op vrijdag 27 meert tegen mekaor streden worden. Vraogen over taol, cultuur, meziek en Drenthe passeert de revue. Aaid weer een plezerige bijeenkomst met alle deelnimmende teams.
,,Nao vief jaor Streektaolstried, hef spelleider Jan Germs besleuten te stoppen. Gelukkig hew Henk Nijkeuter, historicus en ok streektaolvrijwilliger, bereid vunden het stokkie van hum over te nimmen”, zegt Janny Bruins.”,,Dit jaor een thoeswedstried veur de beide groepen oet Gasselt; Meul’ndob 1 en 2 um te preberen de wisselbeker naor Gasselt te haolen.
In de gemeente Aa en Hunze kan elk zuch anmelden veur dizze stried. Old- en neie deelnimmers kunt heur opgeven veur maondag 9 febrewaori. ,,Groepen die eerder met deden kriegt weer persoonlijk een oetneudiging, maor veur alle anmeldings geldt: wie het eerst komp, wie het eerst maolt. Zu’n 25 groepen van 4 à 5 personen kunt metdoon an de Streektaolstried.”
Opgeven kan bij streektaolvrijwilliger: Roelie Meijering (roelie@pattyjoris.nl of 06-14967724) (Geern de groepsnaom vermelden en oj met 4 of met 5 personen met doet.)
De Streektaolstried begunt op 27 meert um 20.00 uur, inloop vanof 19.30 uur in dörpshoes De Trefkoel, Achter de Brinken 6e in Gasselt.
