Kinder van De Lindelaar zingt de Meertmaond lös
AlgemeenBÖRK - De kinder van groep 3 op IKC De Lindelaar in Börk hebt de Meertmaond Streektaolmaond lösdaon. Wetholder Rico Schans van de gemiente Midden-Drenthe nam de eerste Wiesneus in ontvangst, een veurlezer van streektaolorganisatie Huus van de Taol vertelde een verhaol en de kinder zungen een Drents kinderliedtie.
Het Huus van de Taol organiseert in de Meertmaond-Streektaolmaond het veurleesproject. Zu’n 200 veurlezers bezuukt de basisschoelen in oeze previncie um an zoveul meugelijk kinder in het Drents veur te lezen. Alle kinder waor een veurlezer in de klas komp kriegt ok het tiedschrift Wiesneus.
De oplage van dit streektaaltiedschrift veur kinder van de basisschool is in 2023 wal 25.000, maor het succes van de Wiesneus giet ok over de provinciegrèenzen: in Grunning, de Stellingwarven, in de Achterhoek en op de Veluwe komp een Wiesneus in de eigen variant van het Nedersaksisch oet. Daormet komp de totale oplage op bijna 50.000 exemplaren.
Dit jaor hef de Wiesneus het thema Kunst. Op schoel kan Wiesneus gebroekt worden in de klas en anvuld worden met het digitale thema op www.wiesneus.nl.
