Streekstriedbokaol weer hen De Broekstreek
AlgemeenGROL - In de teneelzaol van Het Markehuis n Grol deden 22 teams, zu’n 100 man en vrouw, met an de daarde Drèentse Streektaolstried. Dizze ‘pubquiz’ weur weer organiseerd deur de Streektaolvrijwilligers van het Huus van de Taol in Aa en Hunze. De club die zuch met hart en ziel inzet um daor waor het kan de Drèentse taol under de aandacht te brengen.
Het team ‘De Broekstreek’ wun met een krappe veursprong van 65,5 punten van de groep ‘Belangenloos’ (vertegenwoordigers van Gemeentebelangen) die der 65 scoorde. ‘De meisjes van toen’ (Vrouwen van Nu Eext) gungen met een darde pries, een puntenaantal van 64, hen hoes.
Der waren acht categoriën waormet de punten waren te verdienen waorunder taol, actueel, ‘drentslate’ en husselwoorden. De prissentaotie was wederom in vertrouwde handen van Jan Germs oet Gasselte.
De Broekstreker ploeg bliekt een loos team te wezen, want ok in 2020 behaolden ze een eerste plek met de Streektaolstried. De aandere teams waren slim gedreven; ze gungen, as ’t maor even kun, netuurlijk almaol veur de winst.
De streektaolvrijwilligers in Aa en Hunze kunt slim tevreden terugkieken op een spannende, zeer geslaagde en gezellige Streektaolstried 2023.
