Wetholder Berghuis hef veurlezen op Obs Geten

GETEN – Wetholder Ivo Berghuis hef op Obs Geten in groep 8 een verhaoltie veurlezen over een leefdesbreef. Hie dee dit in het kader van de Meertmaond-Streektaolmaond. Dus hij dee’t in het Drèents.

Het is Meertmaond-Streektaolmaond. Dizze maond wordt er verschillende dingen organiseerd deur het Huus van de Taol um de Drèentse taol te promoten. Vandaog weur der veurlezen in het Drèents op Obs Geten. Wetholder Berghuis vun dat een verhaoltie over een leefdesbreef best mus kunnen. Hij har zuch good veurbereid. ‘Het mus wel netuurlijk overkommen.’ De wetholder vreug ok an de kinder of ze in hoes nog wel is Drèents praot. Hie was verbaosd dat e zoveul vingers zag. ‘Veul kinder praot in hoes wel Drèents of aans bij opa en oma.’

De leerlingen geneuten van het verhaoltie van de wetholder. Daornao kregen alle kinder het tiedschrift de Wiesneus met naor hoes.

Ok de aandere wetholders en de burgemeester gaot nog veurlezen op de scholen in Aa en Hunze. Wetholder Richard Heling geet 12 meert naor Obs De Drift in Grol. Burgemeester Anno Wietze Hiemstra is 13 meert te heuren op de Jan Thies in Raol. Wetholder Kiena ten Brink hef een thoeswedstried: ze geet op 26 meert naar Obs De Eshoek in Annen.