Streektaolvrijwilligers Aa en Hunze hebt nij programma maokt

AA EN HUNZE - De Streektaolvrijwilligers van de gemeente Aa en Hunze hebt een nei programma maokt under de naom Een paor uurties Drèents vermaok. Een gezellige mörgen, middag of aovend vol streektaol, herkenning en humor.

Op het prograam stiet een Drenthequiz met vraogen over van alles wat met Drenthe te maoken hef en een neie versie van Wel hef geliek; één vraog: 3 antwoorden en 1 hef geliek. Dan gauw wieder met een Drèentse bingo en as de tied het toelat vertellen de vrijwilligers een verhaol of laow ze gedichten heuren. Een garantie veur een paor uurties Drèents plezeer en gezelligheid.

Dizze Drèentse activiteit is geschikt veur (buurt)verenigingen, verzörgingshoezen, femiliefeesies of een gezellige ofsluting van een (leden)vergaodering. De invulling van dizze activiteit wordt vanzölf ofstemt op de doelgroep.

In 2026 organiseert de Streektaolvrijwilligers opnei de succesvolle Streektaolstried van de gemeente Aa en Hunze. Dit keer in dörpshoes De Trefkoel in Gasselte op vrijdag 27 meert.  

Meer informasie is te verkriegen bij Streektaolambassadeur Katrien Eggens (06-14646995).