Streektaolstried 2024 dit jaor in Iegaor
AlgemeenIEGHAOR - De Streektaolvrijwilligers van het Huus van de Taol in Aa en Hunze organiseert op vrijdag 15 meert veur de vierde maol de populaire Drèentse pubquiz.
In Café Popken an Hemmenweg 2 in Ieghaor (of Ekehaor) kan dit jaor tegen mekaor streden worden. Vraogen over taol, cultuur, meziek en Drenthe passeert de revue.
Een plezerige bijeenkomst is bij veurbaot garandeerd. Spelleider van dizze aovend is wederum de bekende Drent Jan Germs.
Dit jaor een thoeswedstried veur de groep ‘De Broekstreek’ die al tweemaol de trofee wunnen hebt. Zij zult alles op alles zetten ok dit maol het zegeteken met naor hoes te nimmen.
Elk en een in de gemeente Aa en Hunze kan zuch veur dizze stried anmelden. Old- en neie deelnimmers kunt heur opgeven veur maondag 15 jannewaori. Groepen die eerder met deden kriegt weer persoonlijk een oetneudiging, maor veur alle anmeldings geldt: wie het eerst komt, wie het eerst maolt! Zu’n 30 groepen van 4-5 personen kunt hier an metdoon. Opgeven kan bij Streektaolambassadeur Jan Hartlief (jghartlief@ziggo.nl of 06-46325905) of streektaolvrijwilliger Roelie Meijering (roelie@pattyjoris.nl of 06-14967724).
De Streektaolstried begunt op 15 meert um 20.00 uur, inloop vanaof 19.30 uur.
