Meert is streektaolmaond in gemeente Aa en Hunze
AlgemeenANNEN - De maond meert betekent veur de streektaolambassadeur en de streektaolvrijwilligers van de gemeente Aa en Hunze een drokke tied. Begun is het lösdoen van de streektaolmaond op maondag 3 meert.
De directeur van het Huus van de Taol Renate Snoeijing en burgemeester Anno Wietse Hiemstra openen tiedens een officieel moment in het gemeentehoes de meertmaond. Tiedens de lunchbijeenkomst wordt de kennis van het college en heur medewarkers test deur middel van een broescursus Drèents. Vervolgens gaon de vrijwilligers op verschillende daogen op alle basisscholen en enkele kinderopvangplaotsen veurlezen in het Drèents. Ok het college van B en W giet veurlezen op veer scholen in oonze gemeente. Alle kinder kriegen nao het veurlezen de reeds alom bekende Wiesneus met naor hoes.
Tiedens de raodsvergaodering in meert geven de vrijwilligers een presentatie. Op vrijdagaovend 28 meert wordt de inmiddels bekende streektaolstried veur de viefde maol organiseerd in MFC de Badde in Annerveenscheknaol. Maor liefst 24 groepen nemen de stried tegen mekaor op. De leiding is in handen van Jan Germs, alom bekend in oonze previncie. Regelmaotig bent de streektaolvrijwilligers anwezig bij diverse verenigingen met een quiz en/of een broescursus Drèents. En aj niet weet hoej in het Drèents schrieven moet dan kunt ze je daorbij helpen. In Drenthe wordt, in tegenstelling tot aandere streektaolen, de A veur de O schreven bij woorden as praoten, waoter, maon en tot ‘n aander maol!
Infermaotie Huus van de Taol: 0593-371010 of streektaolambassadeur Katrien Eggens-ter Heide: 06-14646995.
